Premabase · Śrīmad Bhāgavatam · Canto 1 · Chapter 15
Show
SanskritHindiEnglish
Script
IASTदेवनागरीবাংলা
Commentary
ŚrīdharaJīvaViśvanāthaBaladeva
ŚB 1.15.8
← 1.15.71.15.9 →
yat-sannidhāv aham u khāṇḍavam agnaye’dām
indraṁ ca sāmara-gaṇaṁ tarasā vijitya |
labdhā sabhā maya-kṛtādbhuta-śilpa-māyā
digbhyo’haran nṛpatayo balim adhvare te ||
Translation
— translation pending —
Commentary
Śrīdhara Svāmī
bhāvārtha-dīpikā
u iti vismaye |
khāṇḍavam indrasya vanam agnaye’dāṁ dattavān asmi |
khāṇḍava-dāhe rakṣitena mayena kṛtā ca sabhā labdhāadbhuta-śilpa-rūpā māyā yasāṁ sā |
te adhvare yāge rājasūye ||
kaivalya-dīpikā : khāṇḍava-dahane |
rājasūye ca kṛṣṇopakāraṁ smarati—yat-sannidhāv iti |
u aho yudhiṣṭhiraḥ aham adāṁ dattavān |
mayena kṛtā adbhutā śilpa-māyā yasyāṁ sabhāyām ||
[mu.pha. 13.2]
Jīva Gosvāmī
krama-sandarbhaḥ
na vyākhyātam.
Viśvanātha Cakravartī
sārārtha-darśiṇī
u iti vismaye |
khāṇḍavam indrasya vanam |
khāṇḍava-dāhe rakṣitena mayena kṛtā sabhā labdhā |
adbhute śilpa-māye yasyāṁ sā adhvare rājasūye ||
Baladeva Vidyābhūṣaṇa
vaiṣṇavānandinī
u vismaye |
khāṇḍavam indrasya vana-mahāgnaye'dāṁ dattavān asmi |
khāṇḍava-dāhe rakṣitena mayena kṛtā sabhā labdhā, adbhūte śilpa-māye yasyāṁ sā, adhvare rājasūye ||
← 1.15.71.15.9 →