Śrīmad Bhāgavatam 1.15.1

Show

SanskritHindiEnglish

Script

IASTदेवनागरीবাংলা

Commentary

ŚrīdharaJīvaViśvanāthaBaladeva

ŚB 1.15.1

sūta uvāca

evaṁ kṛṣṇa-sakhaḥ kṛṣṇo bhrātrā rājñāvikalpitaḥ |
nānā-śaṅkāspadaṁ rūpaṁ kṛṣṇa-viśleṣa-karśitaḥ ||

Translation

— translation pending —

Commentary

Śrīdhara Svāmī

bhāvārtha-dīpikā

kali-praveśam ālakṣya dhuraṁ nyasya parīkṣiti | āruroha nṛpaḥ svargam iti pañcadaśe’bravīt ||

kṛṣṇo’rjunaḥ āvikalpita iti chedaḥ, nānā-śaṅkāspadaṁ rūpam ālakṣya vikalpita ity arthaḥ |

pratibhāṣituṁ nāśaknot ity uttareṇānvayaḥ |

tatra hetavaḥ—kṛṣṇa-viśleṣeṇa karśitaḥ kṛśaḥ kṛtaḥ ||

Jīva Gosvāmī

krama-sandarbhaḥ

na vyākhyātam.

Viśvanātha Cakravartī

sārārtha-darśiṇī

śrutvā nṛpaḥ pañcadaśe vilāpaṁ dhanañjayasyātha kaleḥ praveśam | ālakṣya rājyeṣv abhiṣicya pautraṁ virajya bhīmādi-yutaḥ pratasthe ||

kṛṣṇo’rjunaḥ vikalpitaḥ evam-bhūto vā tvam evam-bhūto vā iti vikalpa-viṣayīkṛtaḥ |

tatra hetuḥ—nānā-śaṅkāspadaṁ rūpaṁ dadhāna iti śeṣaḥ |

karśitaḥ kṛśaḥ kṛtaḥ ||

Baladeva Vidyābhūṣaṇa

vaiṣṇavānandinī

vilāpam ākarṇya dhanañjayasya praviṣṭam ālakṣya kaliṁ viraktaḥ | pautraṁ sva-rājye viniveśya rājā sahānujaḥ pañcadaśe pratasthe ||

kṛṣṇo'rjuno vikalpitas tvam īdṛśo vedṛśo veti vikalpa-viṣayatāṁ nītaḥ, yad asau nānā-śaṅkāspada-rūpaṁ dhārayann iti śeṣaḥ ||