Premabase · Śrīmad Bhāgavatam · Canto 1 · Chapter 14
Show
SanskritHindiEnglish
Script
IASTदेवनागरीবাংলা
Commentary
ŚrīdharaJīvaViśvanāthaBaladeva
ŚB 1.14.44
← 1.14.431.15.1 →
kaccit preṣṭhatamenātha hṛdayenātma-bandhunā |
śūnyo’smi rahito nityaṁ manyase te’nyathā na ruk ||
Translation
— translation pending —
Commentary
Śrīdhara Svāmī
bhāvārtha-dīpikā
nityaṁ sadā preṣṭhatam eva hṛdaye nāntar aṅgeṇa sva-bandhunā śrī-kṛṣṇena rahitaḥ śūnyo’smīti manyase |
anyathā te ruk manaḥ-pīḍā na ghaṭeta ||
Jīva Gosvāmī
krama-sandarbhaḥ
na vyākhyātam.
Viśvanātha Cakravartī
sārārtha-darśiṇī
kiṁ ca, itā āśaṅkās tvayi na sambhavanti |
sambhavati cedam iti nāradoktaṁ smarann āha kaccid iti |
nityaṁ sadā preṣṭhatamenātmano bandhuna kṛṣṇena rahito’haṁ hṛdayena cetasā śūnyo mūrcchito’smīti manyase ātmānam iti śeṣaḥ |
satyaṁ satyam etad eva kāraṇaṁ satyam iti bhāvaḥ |
anyathā te ruk manaḥ-pīḍā na ghaṭate ||
caturdaśaś ca prathame saṅgataḥ saṅgataḥ satām ||*||
Baladeva Vidyābhūṣaṇa
vaiṣṇavānandinī
etās tvayā śaṅkā naiva sambhavanti, kintv idaṁ sambhaved iti nāradoktiṁ smarann āha—kaccid iti |
nityaṁ sarvadaiva preṣṭhatamenātmano bandhunā kṛṣṇena rahito'haṁ hṛdayena cetasā śūnye'smīty ātmānaṁ manyase kim? anyathā te ruk manaḥpīḍā na sambhavet ||
vaiṣṇavānandinyāṁ prathama-skandha-ṭippanyāṁ caturdaśo'dhyāyaḥ ||
yudhiṣṭhira-vitarko nāma caturdaśo’dhyāyaḥ ||1.14||
(1.15)
← 1.14.431.15.1 →