Śrīmad Bhāgavatam 1.14.39

Show

SanskritHindiEnglish

Script

IASTदेवनागरीবাংলা

Commentary

MadhvācāryaŚrīdharaJīvaViśvanāthaBaladeva

ŚB 1.14.39

kaccit te’nāmayaṁ tāta bhraṣṭa-tejā vibhāsi me |
alabdha-māno’vajñātaḥ kiṁ vā tāta ciroṣitaḥ ||

Translation

— translation pending —

Commentary

Madhvācārya

bhāgavata-tātparyam

pūrvaṁ ciroṣitaḥ ||

Śrīdhara Svāmī

bhāvārtha-dīpikā

idānīṁ tasyaiva kuśalaṁ pṛcchati—kaccid iti ṣaḍbhiḥ |

anāmayam ārogyam |

na labdho māno yena bandhubhyaḥ sakāśāt |

kiṁ vā, taiḥ pratyuta avajñātas tiras-kṛtaḥ |

yataś ciroṣito bahu-kālaṁ tatra sthitaḥ ||

Jīva Gosvāmī

krama-sandarbhaḥ

kaccid iti |

teṣāṁ mā bhavatv amaṅgalaṁ kiñcid asyaiva bhavatv ity apekṣāyāṁ prakaraṇam idam ||

Viśvanātha Cakravartī

sārārtha-darśiṇī

idānīṁ kiñcid apy avadatas tasyaiva kuśalaṁ pṛcchati—kaccid iti ṣaḍbhiḥ |

anāmayam ārogyam |

bandhubyaḥ sakāśād alabdhādaraḥ pratyutāvajñātaḥ ciroṣitaḥ bahu-kālaṁ tatra sthitaḥ ||

Baladeva Vidyābhūṣaṇa

vaiṣṇavānandinī

idānīṁ tūṣṇīm-bhūtasyārjunasyaiva kuśalaṁ pṛcchati—kaccid iti ṣaḍbhiḥ |

anāmayam ārogyaṁ bandhubhyo'lavdhamānaḥ pratyuta tairavajñātaḥ, ciroṣitas tatra bahukālaṁ sthitaḥ ||