Śrīmad Bhāgavatam 1.14.14

Show

SanskritHindiEnglish

Script

IASTदेवनागरीবাংলা

Commentary

MadhvācāryaŚrīdharaJīvaViśvanāthaBaladeva

ŚB 1.14.14

mṛtyu-dūtaḥ kapoto’yam ulūkaḥ kampayan manaḥ |
pratyulūkaś ca kuhvānair viśvaṁ vai śūnyam icchataḥ ||

Translation

— translation pending —

Commentary

Madhvācārya

bhāgavata-tātparyam

agnau padaṁ karoti |

yad ulūko vadati |

mogham etad yataḥ kapotaḥ padam agne kṛpoti iti śrutiḥ ||

Śrīdhara Svāmī

bhāvārtha-dīpikā

ayaṁ kapoto mṛty-dūto mṛtyu-sūcakaḥ |

ulūko ghūkaḥ |

pratyūlukas tat-pratipakṣo dhūkaḥ kāko vā |

kuhvānaiḥ kutsita-śabdair viśvaṁ śūnyaṁ kartum icchataḥ ||

Jīva Gosvāmī

krama-sandarbhaḥ

ulūkas tathā tat-pratipakṣo’nya ulūkaś ca yo yo manaḥ kampayan vartate, tau dvāv anidrau santau ||

Viśvanātha Cakravartī

sārārtha-darśiṇī

pratyulūkaḥ ulūka-pratipakṣo ghūkaḥ kāko vā ||

Baladeva Vidyābhūṣaṇa

vaiṣṇavānandinī

pratyulūkaḥ pratipakṣo ghūkaś caitau kuhvānaiḥ kutsita-śabdaiḥ jagac-chūnyam icchataḥ ||