Premabase · Śrīmad Bhāgavatam · Canto 1 · Chapter 13
Show
SanskritHindiEnglish
Script
IASTदेवनागरीবাংলা
Commentary
MadhvācāryaŚrīdharaJīvaViśvanāthaBaladeva
ŚB 1.13.53-54
← 1.13.521.13.55-56 →
snātvānusavanaṁ tasmin hutvā cāgnīn yathā-vidhi |
ab-bhakṣa upaśāntātmā sa āste vigataiṣaṇaḥ ||
jitāsano jita-śvāsaḥ pratyāhṛta-ṣaḍ-indriyaḥ |
hari-bhāvanayā dhvasta-rajaḥ-sattva-tamo-malaḥ ||
Translation
— translation pending —
Commentary
Madhvācārya
bhāgavata-tātparyam
asti ity ādy atītārthe sa eṣa etarhy adhyāstaḥ āsanaṁ pārthivocitam ity-ādivat |
suptiṅ-pada-graha-liṅga-narāṇāṁ kāla-halac svara-kartṛ-ṣaṅāṁ ca |
vyatyayam icchati śāstra-kṛd eṣāṁ so’pi ca sidhyati bāhulakena iti mahā-vyākaraṇe |
vyāsādayo vartamānam atītān āgate tathā |
vyatyasyāpi vadanty addhā mohanārthaṁ durātmanām ||
paurvāparyaṁ yato naiva sadaiva parivartanāt |
ataś ca vyatyād etad vadanti jñāna-cakṣuṣaḥ ||
iti brāhme ||
Śrīdhara Svāmī
bhāvārtha-dīpikā
tatra tena kṛtam aṣṭāṅga-yogam āha —snātveti caturbhiḥ |
tatra snānaṁ homo’b-bhakṣaṇaṁ ceti niyamā uktāḥ |
bhakṣa-sthāne apāṁ svīkārād ab-bhakṣaḥ |
upaśānta ātmā yasya saḥ |
vigatāḥ putrādy-eṣaṇā yasmād iti yamā uktāḥ ||
jitāsana ity-ādinā āsana-prāṇāyāma-pratyāhārā uktāḥ |
hari-bhāvanayeti dhāraṇoktā |
dhvastā rajaḥ-sattva-tamo-rūpā malā yasyeti phalato dhyānam uktam ||
Jīva Gosvāmī
krama-sandarbhaḥ
na vyākhyātam.
Viśvanātha Cakravartī
sārārtha-darśiṇī
tena kṛtam aṣṭāṅga-yogam āha—snātveti caturbhiḥ |
tatra snānaṁ homo’b-bhakṣaṇaṁ ca niyamā uktāḥ |
upaśāntātmā vigataiṣaṇa iti yamaḥ |
jitāsana ity-ādinā āsana-prāṇāyāma-pratyāhārāḥ |
hari-bhāvanayeti dhāraṇā-dhyāne ukte ||
Baladeva Vidyābhūṣaṇa
vaiṣṇavānandinī
tenānuṣṭhitam aṣṭāṅgaṁ yogam āhā—snātveti caturbhiḥ |
snāna-homāv-bhakṣaṇāni niyamāḥ ||
jitāsanety-ādināsana-prāṇāyāma-pratyāhārāḥ, hari-bhāvanayeti dhāraṇādhyāne ||
← 1.13.521.13.55-56 →