Premabase · Śrīmad Bhāgavatam · Canto 1 · Chapter 13
Show
SanskritHindiEnglish
Script
IASTदेवनागरीবাংলা
Commentary
ŚrīdharaJīvaViśvanāthaBaladeva
ŚB 1.13.46
← 1.13.451.13.47 →
kāla-karma-guṇādhīno deho’yaṁ pāñca-bhautikaḥ |
katham anyāṁs tu gopāyet sarpa-grasto yathā param ||
Translation
— translation pending —
Commentary
Śrīdhara Svāmī
bhāvārtha-dīpikā
tatra tvad-dehatas teṣāṁ vṛttir etat tāvan nāstīty āha |
kālo guṇa-kṣobhakaḥ |
karma janma-nimittam |
guṇā upādānam |
tad-adhīnaḥ pāñcabhautiko jaḍas tad-vibhāge nāśavāṁś ca |
sarpa-grasto’jagara-gilito yathānyaṁ na rakṣati tadvat ||
Jīva Gosvāmī
krama-sandarbhaḥ
mamāyaṁ pitrādir mayā rakṣya ity abhimāno na kartavya ity āha—kāleti ||
Viśvanātha Cakravartī
sārārtha-darśiṇī
nahi kaścid api kam api vṛtti-dānādinā rakṣituṁ prabhavatīty āha—kālaḥ sāmānyato nimittam |
karma janma-nimittam |
guṇā upādānaṁ tad-adhīnaḥ pāñcabhautika iti tad-vibhāge sadya eva nāśavān ity arthaḥ |
ekaḥ sarpa-daṣṭaṁ gopāyituṁ naiva śaknotīty arthaḥ ||
Baladeva Vidyābhūṣaṇa
vaiṣṇavānandinī
na khalu ko'pi kañcij-jīvikārpaṇādinā rakṣituṁ prabhavatīty āha—kālaḥ sādhāraṇa-nimittaṁ, karma janma-nimittaṁ, guṇastūpādānaṁ tad adhīno'yaṁ pāñca-bhautiko dehaḥ |
tad-vibhāge sadya eva vinaṣyet |
īdṛśaḥ katham anyān gopāyet? nety arthaḥ |
tatra dṛṣṭāntaḥ—sarpeti |
yathaikaḥ sarpadaṣṭo'nyaṁ sarpa-daṣṭaṁ gopāyituṁ na śaknoti, tadvad ity arthaḥ ||
← 1.13.451.13.47 →