Premabase
·
Śrīmad Bhāgavatam
·
Canto 1
· Chapter 13
Show
Sanskrit
Hindi
English
Script
IAST
देवनागरी
বাংলা
Commentary
Śrīdhara
Jīva
Viśvanātha
Baladeva
ŚB 1.13.26
← 1.13.25
1.13.27 →
gata-svārtham imaṁ dehaṁ virakto mukta-bandhanaḥ |
avijñāta-gatir jahyāt sa vai dhīra udāhṛtaḥ ||
Translation
— translation pending —
Commentary
Śrīdhara Svāmī
bhāvārtha-dīpikā
“
kiṁ-lakṣaṇo dhīraḥ ?” ity apekṣāyām āha |
gata-svārthaṁ
yaśo-dharmādi-śūnyam |
mukta-bandhanas
tyaktābhimānaḥ |
kva gataḥ ? ity
avijñātā gatir
yasya,
sa dhīraḥ,
prāpta-duḥkhasya svayaṁ sahanena mukti-prāpteḥ ||
Jīva Gosvāmī
krama-sandarbhaḥ
gata-svārtham imaṁ deham
ity-ādi-dvaye pūrva ātura-sannyāsī |
paras tu sad-vivekena bhagavac-charaṇatayā sannyāsīti tāratamyaṁ jñeyam ||
Viśvanātha Cakravartī
sārārtha-darśiṇī
gata-svārtham
akṛta-kṛṣṇa-bhajanatvena śoka-moha-jarādi-vyākulam |
mukta-bandhanaḥ
tyakta-dhana-putrādiḥ |
kva gataḥ ? ity
avijñātā gatir
yasya saḥ |
jahyāt
kvāpi tīrthe
dehaṁ
, bhaktyaiva yas tyajet,
sa dhīraḥ
||
Baladeva Vidyābhūṣaṇa
vaiṣṇavānandinī
gata-svārtham
akṛta-bhagavad-bhaktitvenāniṣpādita-deha-phalam |
mukta-bandhanas
tyakta-dhanātmajādiḥ |
kva gataḥ
? iti janair avijñātā gatir yasya saḥ,
jahyāt
kutracit puṇya-kṣetre bhagavantaṁ smaran
dehaṁ
yas tyajet, sa dhīraḥ ||
← 1.13.25
1.13.27 →