śāpaṁ śrutvā brāhmaṇānām uddhavaḥ khinna-mānasaḥ | udāsīnaṁ tathā kṛṣṇam iva suprītam eva ca ||
na śiṣyamāṇaṁ sva-kulaṁ svarṣiyāsuṁ ca keśavam | jñātvā papraccha bhagavān svarūpaṁ tam upahvare ||
maitreyo’pi tadaivāgāj jijñāsus tattvam uttamam | tayor adāt sa bhagavān jñānaṁ nirmalam añjasā ||
ṣaḍ-viṁśa-vatsarāt pūrvaṁ svargateḥ puruṣottamaḥ | preṣayāmāsa ca harir uddhavaṁ badarīm anu ||
kalāpagrāmiṇāṁ vaktum etat tattvam aśeṣataḥ | viduraṁ tīrtha-yātrāstham antarāle sa uddhavaḥ ||
dṛṣṭānaśiṣyamāṇaṁ ca kulaṁ jigamiṣuṁ harim | kathayitvā badaryeṁ ca kalāpa-grāma-vāsinām ||
procya tattvam aśeṣeṇa vāsudeva-mukhodgatam | ṣaḍviṁśad-varṣa-gamane punar āgatim ātmanaḥ ||
teṣām uktvā punaḥ kṛṣṇa-sannidhau vicacāra ha | maitreya-vidurāyaitad ūcivān kṛṣṇa-coditaḥ ||
viduraḥ pāṇḍavānāṁ ca vinā yadu-vināśanam | ṣaṭ-triṁśad-varṣataḥ pūrvaṁ jñātvāpy apriyam eva tat ||
nāvocad viduro dhīmān tasmān nāpiryam āvadet || iti pādme |tāvac chaśāsa kṣitim eka-cakrām ekātapatrām ajitena pārtha iti copari viduraṁ cāgataṁ punar iti ca |
bhārate caika-viṁśad varṣāt pūrvaṁ vidurasya yudhiṣṭhira-bhāva uktaḥ ||