Śrīmad Bhāgavatam 1.13.10

Show

SanskritHindiEnglish

Script

IASTदेवनागरीবাংলা

Commentary

ŚrīdharaJīvaViśvanāthaBaladeva

ŚB 1.13.10

bhavad-vidhā bhāgavatās tīrtha-bhūtāḥ svayaṁ vibho |
tīrthī-kurvanti tīrthāni svāntaḥ-sthena gadābhṛtā ||

Translation

— translation pending —

Commentary

Śrīdhara Svāmī

bhāvārtha-dīpikā

bhavatāṁ ca tīrthāṭanaṁ na svārthaṁ, kintu tīrthānugrahārtham ity āha—bhavad-vidhā iti |

malina-jana-saṁparkeṇa malināni tīrthāni santaḥ punaḥ svayaṁ tīrthī-kurvanti |

svāntaṁ manas, tat-sthena, svasyāntaḥ-sthiteneti vā ||

Jīva Gosvāmī

krama-sandarbhaḥ

tīrtheṣu bhaktimatāṁ bhavatāṁ tīrthāṭanaṁ ca tīrthānām eva maṅgalāya sampadyata ity āha—bhavad-vidhā iti ||

Viśvanātha Cakravartī

sārārtha-darśiṇī

bhavatāṁ ca tīrthāṭanaṁ tīrthānām eva bhāgyenety āha—bhavad-vidhā iti tīrthīkurvanti mahā-tīrthīkurvanti "pāvanaṁ pāvanānām" itivat ||

Baladeva Vidyābhūṣaṇa

vaiṣṇavānandinī

bhavatāṁ tīrtha-yātrā tīrtha-bhāgyād ity āha—bhavad iti |

malina-jana-prasaṅgā ttīrthāny api malināni bhavanti |

bhavad-vidhās tu svāntaḥ-sthena gadābhṛtā kṛṣṇena svayaṁ tīrtha-bhūtās tāni tīrthī-kurvanti ujjvalāni pāvitrya-karaṇa-śaktimanti kurvantīty arthaḥ ||