Śrīmad Bhāgavatam 1.12.32

Show

SanskritHindiEnglish

Script

IASTदेवनागरीবাংলা

Commentary

ŚrīdharaJīvaViśvanāthaBaladeva

ŚB 1.12.32

yakṣyamāṇo’śvamedhena jñāti-droha-jihāsayā |
rājā labdha-dhano dadhyau nānyatra kara-daṇḍayoḥ ||

Translation

— translation pending —

Commentary

Śrīdhara Svāmī

bhāvārtha-dīpikā

pūrvam apakṛṣyoktān aśvamedhān svāvasare sa-prakāraṁ kathayati |

jñāti-drohasyahānecchayā yakṣyamāṇaḥ kara-daṇḍayor anyatra tābhyāṁ vinā labdha-dhanodadhyau cintayām āsa |

kara-daṇḍa-jasya parijana-bharaṇa-mātropakṣīṇatvāt ||

Jīva Gosvāmī

krama-sandarbhaḥ

yakṣyamāṇa iti |

tat-paritoṣārthaṁ śrī-bhīṣmopadeśenaiveti jñeyam |

anyathā bhīṣme’py anāsthā syāt ||

Viśvanātha Cakravartī

sārārtha-darśiṇī

kara-daṇḍayor anyatra tābhyāṁ vinā dhanālābhāt dhana-prācuryasya apekṣaṇīyatvāt dadhyau cintayāmāsa ||

Baladeva Vidyābhūṣaṇa

vaiṣṇavānandinī

saṅkṣepād uktān aśvamedhān vistareṇāha—yakṣyamāṇa iti |

rājā yudhiṣṭhiraḥ karadaṇḍayor anyatra alabdha-dhano'śvamedhārthaka-bahu-dhanāpekṣayā dadhyau |

kara-daṇḍa-labdhānāṁ dhanānāṁ poṣya-varga-bharaṇenopakṣīṇatvāt adhika-dhanārtha-cintābhūd ity arthaḥ ||