Premabase · Śrīmad Bhāgavatam · Canto 1 · Chapter 12
Show
SanskritHindiEnglish
Script
IASTदेवनागरीবাংলা
Commentary
ŚrīdharaJīvaViśvanāthaBaladeva
ŚB 1.12.30
← 1.12.291.12.31 →
sa eṣa loke vikhyātaḥ parīkṣid iti yat prabhuḥ |
pūrvaṁ dṛṣṭam anudhyāyan parīkṣeta nareṣv iha ||
Translation
— translation pending —
Commentary
Śrīdhara Svāmī
bhāvārtha-dīpikā
parīkṣid iti nāma nirvakti—sa eṣa iti |
yad yasmāt prabhuḥ samarthaḥ san garbhe dṛṣṭaṁ puruṣam anudhyāyanniha dṛśyamāneṣu nareṣu madhye sarvam api naraṁ parīkṣitā “ayam asau bhaven no vā ?” iti vicārayet, ataḥ parīkṣid iti vikhyātaḥ |
“pūrva-dṛṣṭam” iti vā pāṭhaḥ |
tadā mātṛ-garbhe pūrvaṁ dṛṣṭam ity arthaḥ ||
Jīva Gosvāmī
krama-sandarbhaḥ
sa eṣa iti |
śrī-kṛṣṇa-darśanāt pūrvam atibālyāvasthāyām eva jñeyam ||
30|
Viśvanātha Cakravartī
sārārtha-darśiṇī
parīkṣid iti nāma nirvakti—sa eṣā iti |
iha dṛśyamāneṣu nareṣu madhye garbhe dṛṣṭaṁ puruṣam anusmaran “ayaṁ sa bhaven na vā” iti vicārayet, ataḥ parīkṣid iti vikhyātaḥ |
“pūrvaṁ dṛṣṭam” iti ca pāṭhaḥ ||
Baladeva Vidyābhūṣaṇa
vaiṣṇavānandinī
parīkṣid iti nāma sūto nirvakti—sa iti |
iha dṛśyamāneṣu nareṣu madhye garbhe dṛṣṭaṁ puruṣam anusmaran |
ayaṁ sa bhaven naveti parīkṣeta vicārayed ataḥ parīkṣid iti loke vikhyātaḥ ||
← 1.12.291.12.31 →