Premabase · Śrīmad Bhāgavatam · Canto 1 · Chapter 12
Show
SanskritHindiEnglish
Script
IASTदेवनागरीবাংলা
Commentary
MadhvācāryaŚrīdharaJīvaViśvanāthaBaladeva
ŚB 1.12.19
← 1.12.181.12.20 →
brāhmaṇā ūcuḥ
pārtha prajāvitā sākṣād ikṣvākur iva mānavaḥ |
brahmaṇyaḥ satya-sandhaś ca rāmo dāśarathir yathā ||
Translation
— translation pending —
Commentary
Madhvācārya
bhāgavata-tātparyam
rāmo dāśarathir yathā adhika-dṛṣṭāntaḥ |
ūrṇanābhyādhiko viṣṇor viṣṇur viṣṇos tathaiva ca | viṣṇur jīvasya dṛṣṭānto ūna-sāmyādhika-kramāt ||
Śrīdhara Svāmī
bhāvārtha-dīpikā
he pārtha, prajānām avitā rakṣakaḥ |
mānavo manoḥ putraḥ |
brāhmaṇyebhyo hitaḥ |
satya-pratijñaś ca śrī-rāmo yathā ||
Jīva Gosvāmī
krama-sandarbhaḥ
na vyākhyātam.
Viśvanātha Cakravartī
sārārtha-darśiṇī
teṣāṁ sadṛśo yaśaseti kiṁ pṛcchyate ? yair eva ekaikair guṇaiḥ, te sarve yaśasvinaḥ āsan, te sarve eva guṇā asmin bālake’dhunaiva santi, yathāvasaram āvirbhaviṣyanti |
tasmād etat-tulyās te na babhūvur iti pratīyatām ity āśayenāhuḥ—pārtheti |
prajānām avitā rakṣakaḥ |
satya-sandhaḥ satya-pratijñaḥ ||
Baladeva Vidyābhūṣaṇa
vaiṣṇavānandinī
pārtha! he yudhiṣṭhira! prajānāmavitā pālakaḥ, sākṣād iti senāṁ vinaivety arthaḥ |
mānavo manu-putraḥ |
satya-sandhaḥ satya-pratijñaḥ ||
← 1.12.181.12.20 →