Premabase · Śrīmad Bhāgavatam · Canto 1 · Chapter 12
Show
SanskritHindiEnglish
Script
IASTदेवनागरीবাংলা
Commentary
ŚrīdharaJīvaViśvanāthaBaladeva
ŚB 1.12.5-6
← 1.12.41.12.7 →
sampadaḥ kratavo lokā mahiṣī bhrātaro mahī |
jambūdvīpādhipatyaṁ ca yaśaś ca tri-divaṁ gatam ||
kiṁ te kāmāḥ sura-spārhā mukunda-manaso dvijāḥ |
adhijahrur mudaṁ rājñaḥ kṣudhitasya yathetare ||
Translation
— translation pending —
Commentary
Śrīdhara Svāmī
bhāvārtha-dīpikā
kratavas tad-upārjitā lokāś ca ||
sura-spārhāḥ surāṇāṁ spṛhaṇīyās te sampad-ādayaḥ kāmā viṣayā rājñaḥ kiṁ mudaṁ prītim adhijahruḥ kṛtavantaḥ ? na kṛtavanta ity arthaḥ |
atra hetuḥ—mukunde eva mano yasyeti |
kṣudhitasya annaika-manaso yathetare srak-candanādayo na kurvanti, tadvat ||
Jīva Gosvāmī
krama-sandarbhaḥ
na vyākhyātam.
Viśvanātha Cakravartī
sārārtha-darśiṇī
sampad-ādayas tathā surāṇāṁ spṛhaiva spārhaḥ svārthe’ṇ, sa yeṣu te sūra- spārhāḥ kāmāḥ bhogāḥ rājñaḥ kiṁ mudam adhijahrur naiva kṛtavanta ity arthaḥ |
tatra hetur mukunda-manasa iti |
itare srak-candanādayaḥ ||
Baladeva Vidyābhūṣaṇa
vaiṣṇavānandinī
surāṇāṁ spārhaḥ spṛhā teṣu te |
spṛhaiva svārthe'ṇi spārhaḥ, kāmā md amubhogāḥ, kiṁ rājño adhijahruḥ janayāmāsur nety arthaḥ, yato mukunda-manasaḥ |
itare srak-candanādayaḥ |
mukunda-sevopayoginī tasya rājya-sampat, bhuktavatas tṛpty-upayoginīva srag iti bhāvaḥ ||
← 1.12.41.12.7 →