Śrīmad Bhāgavatam 1.11.14

Show

SanskritHindiEnglish

Script

IASTदेवनागरीবাংলা

Commentary

ŚrīdharaJīvaViśvanāthaBaladeva

ŚB 1.11.14

gopura-dvāra-mārgeṣu kṛta-kautuka-toraṇām |
citra-dhvaja-patākāgrair antaḥ pratihatātapām ||

Translation

— translation pending —

Commentary

Śrīdhara Svāmī

bhāvārtha-dīpikā

gopuraṁ pura-dvāram |

dvāraṁ gṛha-dvāram |

kṛtāni kautukenotsavena toraṇāni yasyāṁ tām |

garuḍādi-cihnāṅkitā dhvajāḥ |

jaya-prada-yantrāṅkitāḥ patākāḥ |

citrāṇāṁ dhvaja-patākānām agrair antaḥ pratihata ātapo yasyāṁ tām ||

Jīva Gosvāmī

krama-sandarbhaḥ

na vyākhyātam.

Viśvanātha Cakravartī

sārārtha-darśiṇī

gopuraṁ pura-dvāram |

dvāraṁ gṛha-dvāram |

antar madhye madhye pratihata ātapaḥ sūrya-jvālā yasyām ||

Baladeva Vidyābhūṣaṇa

vaiṣṇavānandinī

gopurāṇi pura-dvārāṇi, dvārāṇi mandirāṇāṁ, kṛtāni racitāni kautukenotsavena toraṇāni muktādi-manojñā vandana-mālā yasyāṁ tām |

citrāṇāṁ dhvaja-patākānām agrair antaḥ pratihataḥ sūrṣātapo yasyāṁ tām |

vainateyādi-cihna-viśiṣṭā dhvajāḥ, vijaya-patrāñcitāḥ patākāḥ ||