sarveṣv ṛtuṣu sarve vibhavāḥ puṣpādi-sampado yeṣāṁ, te puṇya-vṛkṣā latāśramā latā-maṇḍapāś ca yeṣu, tair udyānādibhirvṛtā ye padmākarāḥ sarāṁsi, taiḥ śrīḥ śobhā yasyāṁ tām |
udyānaṁ phala-pradhānam |
upavanaṁ puṣpa-pradhānam |
ārāmaḥ krīḍārthaṁ vanam ||
Jīva Gosvāmī
krama-sandarbhaḥ
na vyākhyātam.
Viśvanātha Cakravartī
sārārtha-darśiṇī
sarveṣu ṛtuṣu sarva-vibhavāḥ puṣpādi-sampado yeṣāṁ te puṇya-rūpā vṛkṣāś ca latāś ca āśramāś ca, taiḥ |
udyānaṁ phala-pradhānam upavanaṁ puṣpa-pradhānam ārāmaḥ krīḍārthaṁ vanaṁ, tair vṛtā |
ye padmākarāḥ sarāṁsi, taiḥ śrīḥ śobhā yasyāṁ, tām ||
Baladeva Vidyābhūṣaṇa
vaiṣṇavānandinī
sarveṣu ṛtuṣuvibhavāḥ puṣpa-phalādi-sampado yeṣāṁ te, puṇya-rūpā vṛkṣāś ca latāś ca āśramāś ca yeṣu, tair udyānādibhirvṛtā ye padmākarāḥ sarāṁsi, taiḥ śrīḥ śobhā yasyāṁ tām |