Premabase · Śrīmad Bhāgavatam · Canto 1 · Chapter 11
Show
SanskritHindiEnglish
Script
IASTदेवनागरीবাংলা
Commentary
ŚrīdharaJīvaViśvanāthaBaladeva
ŚB 1.11.6
← 1.11.4-51.11.7 →
natāḥ sma te nātha sadāṅghri-paṅkajaṁ
viriñca-vairiñcya-surendra-vanditam |
parāyaṇaṁ kṣemam ihecchatāṁ paraṁ
na yatra kālaḥ prabhavet paraḥ prabhuḥ ||
Translation
— translation pending —
Commentary
Śrīdhara Svāmī
bhāvārtha-dīpikā
kim ucur iti tad āha—natāḥ sma iti |
viriñco brahmā |
vairiñcyāḥ sanakādayaḥ |
iha saṁsāre paraṁ kṣemam icchatāṁ parāyaṇaṁ paramaṁ śaraṇam |
kutaḥ ? pareṣāṁ brahmādīnāṁ prabhur api kālo yatra prabhur na bhavet ||
Jīva Gosvāmī
krama-sandarbhaḥ
na vyākhyātam.
Viśvanātha Cakravartī
sārārtha-darśiṇī
vairiñcyāḥ sanakādayaḥ |
paraṁ parāyaṇaṁ paramāśrayam |
yatra aṅghri-paṅkaje pareṣāṁ brahmādīnāṁ prabhur api kālo na prabhavet ||
Baladeva Vidyābhūṣaṇa
vaiṣṇavānandinī
vairiñcyāḥ sanakādayaḥ, paraṁ parāyaṇaṁ paramāśrayaḥ, yatrāṅghri-paṅkaje pareṣāṁ brahmādīnāṁ prabhur api kālo na prabhavet ||
← 1.11.4-51.11.7 →