Premabase · Śrīmad Bhāgavatam · Canto 1 · Chapter 8
Show
SanskritHindiEnglish
Script
IASTदेवनागरीবাংলা
Commentary
ŚrīdharaJīvaViśvanāthaBaladeva
ŚB 1.8.52
← 1.8.511.9.1 →
yathā paṅkena paṅkāmbhaḥ surayā vā surākṛtam |
bhūta-hatyāṁ tathaivaikāṁ na yajñair mārṣṭum arhati ||
Translation
— translation pending —
Commentary
Śrīdhara Svāmī
bhāvārtha-dīpikā
nanu sarvaṁ pāpmānaṁ tarati, tarati brahma-hatyāṁ yo’śvamedhena yajate, ya u cainam evaṁ veda iti śruteḥ pāpam aśvamedhena naśyed evety āśaṅkyāviveka-vijṛmbhitaṁ hetu-vādam āśritya nirākaroti—yatheti |
yathā ghana-paṅkena paṅkāmbho na mṛjyate, yathā vā surā-leśa-kṛtam apavitryaṁ bahvyā surayā na mṛjyate tasyaiva bhūta-hatyām ekāṁ pramādato jātāṁ buddhir pūrva-hiṁsā-prāyair yajñair mārṣṭuṁ śodhayituṁ nārhatīti ||
Jīva Gosvāmī
krama-sandarbhaḥ
na vyākhyātam.
Viśvanātha Cakravartī
sārārtha-darśiṇī
nanu ca sarvaṁ pāpmānaṁ tarati tarati tarati brahmahatyāṁ yo’śvamedhena yajate iti śruteḥ pāpam aśvamedhena naśyed iti cet tatrāha, yathā ghana-paṅkena paṅkāmbho na mṛjyate, yathā vā surāleśa-kṛtam apāvitryaṁ bahvyā surayā na mṛjyate |
yajñaiḥ buddhi-pūrvaka-hiṁsā-prāyair bahubhir yajñaiḥ ||
prathame’ṣṭamo’dhyāyaḥ saṅgataḥ saṅgataḥ satām ||
Baladeva Vidyābhūṣaṇa
vaiṣṇavānandinī
nanu sarvaṁ pāpnānaṁ tarati brahma-hatyāṁ yo'śvamedhena yajeta, ya u vainam evaṁ veda iti śravaṇāt aśvamedhena nikhila-pāpanāśāttava paritāpo nocita iti ced, aśvamedhasyāpi bahu-hiṁsā-miśratvena pāpa-hetutvāt na tena tan-nāśa ity āha—yatheti |
paṅkena yathā paṅkānto na mṛjyate, surālavakṛtam apāvitryaṁ yathā surayā bahvyā na mṛjyate, tathā dhī-pūrvaka-hiṁsā-pracurair anekair yajñair ekāṁ bhūta-hatyāṁ pramādād api jātāṁ mārṣṭuṁ jano nārhati |
hetu-vāda-vijṛmbhito'yam avivekaḥ ||
kuntī-stuti-yudhiṣṭhirānutāpo nāma aṣṭamo’dhyāyaḥ ||
(1.9)
← 1.8.511.9.1 →