Premabase · Śrīmad Bhāgavatam · Canto 1 · Chapter 8
Show
SanskritHindiEnglish
Script
IASTदेवनागरीবাংলা
Commentary
ŚrīdharaJīvaViśvanāthaBaladeva
ŚB 1.8.50
← 1.8.491.8.51 →
naino rājñaḥ prajā-bhartur dharma-yuddhe vadho dviṣām |
iti me na tu bodhāya kalpate śāsanaṁ vacaḥ ||
Translation
— translation pending —
Commentary
Śrīdhara Svāmī
bhāvārtha-dīpikā
smṛty-ādy-anuśāsanād dharma-yuddhe na doṣa iti cet tatrāha—naino rājña iti |
dviṣāṁ vadha enaḥ pāpaṁ na bhavatīti yac chāsanaṁ śikṣā-rūpaṁ vacaḥ |
kuto na kalpyate |
yatas tad vacaḥ prajā-bhartur eva |
ayaṁ bhāvaḥ—sva-prajānām anyato vādhe prasakte tad vadho’nujñātaḥ duryodhanena tu prajāyāṁ pālyamānāyāṁ mayā kevalaṁ rājya-lobhena hatatvāt pāpam evedam iti ||
Jīva Gosvāmī
krama-sandarbhaḥ
naina iti |
rājñā dharma-yuddhe dviṣāṁ vadhaḥ enaḥ pāpaṁ na bhavatīti yat śāsanaṁ vacaḥ tat tu na me bodhāya kalpate |
yataḥ tad-vacaḥ prajāḥ pālayantam eva rājānaṁ prati na tu lubdhaṁ pratīti vākyārthaḥ |
bhāvārthas tu ṭīkāvad eva ||
Viśvanātha Cakravartī
sārārtha-darśiṇī
dviṣāṁ vadhaḥ, enaḥ pāpaṁ na bhavatīti yat śāsanaṁ śikṣā-rūpaṁ vacaḥ kuto na kalpate yatas tad-vacaḥ prajā-bhartur eva |
ayaṁ bhāvaḥ, sva-prajānām anyato vadhe prasakte tad-vadho’nujñātaḥ, duryodhanena tu prajāyāṁ pālyamānāyāṁ mayā kevalaṁ rājya-lobhena hatatvāt pāpam evedaṁ mama jātam iti ||
Baladeva Vidyābhūṣaṇa
vaiṣṇavānandinī
yuddhe dviṣāṁ vadho rājña enaḥ pāpaṁ na bhavatīti śāsanaṁ śikṣā-rūpaṁ yad-dharma-śāstrīyaṁ vacas tan me bodhāya na kalpate, yatas tad-vacaḥ prajā-bhartur eva |
ayam āśayaḥ—prajā-pīḍakān dviṣaḥ prajā-pālanāya dharma-yuddhe nighnato rājñaḥ pāpaṁ na syāt, ahantu tat-pālakān eva duryodhanādīn rājyalobhena hatavāniti kathaṁ pāpaṁ me nābhūd iti ||
← 1.8.491.8.51 →