Premabase
·
Śrīmad Bhāgavatam
·
Canto 1
· Chapter 8
Show
Sanskrit
Hindi
English
Script
IAST
देवनागरी
বাংলা
Commentary
Śrīdhara
Jīva
Viśvanātha
Baladeva
ŚB 1.8.41
← 1.8.40
1.8.42 →
atha viśveśa viśvātman viśva-mūrte svakeṣu me |
sneha-pāśam imaṁ chindhi dṛḍhaṁ pāṇḍuṣu vṛṣṇiṣu ||
Translation
— translation pending —
Commentary
Śrīdhara Svāmī
bhāvārtha-dīpikā
gamane pāṇḍavānām akuśalam agamane ca yādavānām ity ubhayato vyākula-cittā satī teṣu sneha-nivṛttiṁ prārthayate—atheti |
viśveśety-ādi-sambodhanāni sneha-pāśa-cchede sāmarthya-khyāpanāya |
dṛḍhaṁ santam ||
Jīva Gosvāmī
krama-sandarbhaḥ
atheti tair avatāritam |
evam apy ubhayeṣāṁ tādṛśa-tad-ekālambanatā-darśanena teṣv adhika-bhagavat-prīty-ādhāratvaṁ svasyādhika-sneha-hetur iti teṣu sneha-ccheda-vyājenobhayeṣām api tvad-aviccheda eva kriyatām iti ca vyajyate |
tataś cottaratra sūta-vākye tāṁ bāḍham ity upāmantryety atra śrī-bhagavad-abhyupagamo’pi sarvatraiva saṅgacchate ||
[prīti-sandarbhaḥ 112]
Viśvanātha Cakravartī
sārārtha-darśiṇī
gamane pāṇḍavānām akuśalam agamane ca yādavānām ity ubhayato vyākula-cittā satī teṣu sneha-nivṛttiṁ prārthayate—atheti |
yas tvaṁ sarveṣām eva viśveṣām īśo bhavasi |
ātmā cetayitā |
tad-rūpo’pi sva-svānuvartināṁ vṛṣṇi-pāṇḍūnāṁ kalyāṇāya kappa-sindhus tvam eva sāvadhānaḥ sadaivāsi |
ahaṁ kiṁ tat-kuśala-cintayā vṛthaiva mriye iti bhāvaḥ ||
Baladeva Vidyābhūṣaṇa
vaiṣṇavānandinī
kiñ ca—itas tvayi gate pāṇḍavānām agate yadūnāṁ ca paritāpo mahān bhavati, tasmad etān eka-nivāsān kuru, nocet-teṣu teṣu ca dṛḍhaṁ mat-snehapāśaṁ chindhīty āha—atheti |
sambodhanāni tat-karaṇa-sāmarthyābhiprāyāṇi ||
← 1.8.40
1.8.42 →