Śrīmad Bhāgavatam 1.8.14

Show

SanskritHindiEnglish

Script

IASTदेवनागरीবাংলা

Commentary

ŚrīdharaJīvaViśvanāthaBaladeva

ŚB 1.8.14

antaḥsthaḥ sarva-bhūtānām ātmā yogeśvaro hariḥ |
sva-māyayāvṛṇod garbhaṁ vairāṭyāḥ kuru-tantave ||

Translation

— translation pending —

Commentary

Śrīdhara Svāmī

bhāvārtha-dīpikā

vairaṭyā uttarāyā antaḥ-sthaḥ san garbham āvṛtavān |

tatra hetuḥ—yata ātmāntaryāmī |

yogeśvara iti bahiḥ-sthasyāpi praveśa-ghaṭanārtham uktam |

kurūṇāṁ tantave santānāya |

pāṇḍavānām api kuru-vaṁśa-jatvād evam uktam ||

Jīva Gosvāmī

krama-sandarbhaḥ

sarva-bhūtānām ātma paramātmety antaḥsthaḥ |

tarhi kathaṁ vahiṣṭhaḥ ? tatrāha—yogeśvara iti |

sveṣu pāṇḍaveṣu yā māyā kṛpā, tayā |

tām eva darśayati—kuru-tantava iti |

taiḥ ||

Viśvanātha Cakravartī

sārārtha-darśiṇī

antaḥstha iti vairāṭyā api antaryāmi-rūpeṇa sthito’pi yogeśvaro yogabalena harir iti kṛṣṇa-rūpeṇa praviśya garbham āvṛṇot |

āvṛtya sthito rarakṣety arthaḥ |

sva-māyayā yoga-māyayeti vairāṭyā tu tathā-bhūtatvenāvijñāta ity arthaḥ |

kurūṇāṁ tantave santānāya |

pāṇḍavā api kuru-vaṁśajā evety evam uktam ||

Baladeva Vidyābhūṣaṇa

vaiṣṇavānandinī

antaryāmi-rūpeṇa vairātyāś cāntaḥ-sthito harir iti kṛṣṇa-rūpeṇa tasyā garbham āvṛṇod āvṛtyā rarakṣa |

svamāyayā svakīye parīkṣiti kṛpayā hetunā |

karūṇāṁ tantave santānāya, pāṇḍavānāṁ kuruvaṁśa-bhavatvādiyam uktiḥ ||