Śrīmad Bhāgavatam 1.8.10

Show

SanskritHindiEnglish

Script

IASTदेवनागरीবাংলা

Commentary

ŚrīdharaJīvaViśvanāthaBaladeva

ŚB 1.8.10

abhidravati mām īśa śaras taptāyaso vibho |
kāmaṁ dahatu māṁ nātha mā me garbho nipātyatām ||

Translation

— translation pending —

Commentary

Śrīdhara Svāmī

bhāvārtha-dīpikā

tatra prastutaṁ bhayam āvedayati |

abhidravaty ābhimukham āyāti |

taptam āyasaṁ lohamayaṁ śalyaṁ yasya saḥ |

atikarpaṇyenāha—kāmam iti |

kāmaṁ yatheccham ||

Jīva Gosvāmī

krama-sandarbhaḥ

abhidravatīty ādau yān prati prayuktaḥ śaras ta eva taṁ paśyantīti jñeyam ||

Viśvanātha Cakravartī

sārārtha-darśiṇī

nanv abhimanyunā tena patyā vināpi jīvitaṁ prārthayase na lajjase tatrāha— kāmam iti ||

Baladeva Vidyābhūṣaṇa

vaiṣṇavānandinī

prastutaṁ sva-bhayam āha—abhīti |

taptam āyasaṁ lohamayaṁ śalyaṁ yasya saḥ |

nanu pati-hīnāyāste kiṁ jīvanena? tatrāha—kāmam iti ||