Premabase · Śrīmad Bhāgavatam · Canto 1 · Chapter 7
Show
SanskritHindiEnglish
Script
IASTदेवनागरीবাংলা
Commentary
ŚrīdharaJīvaViśvanāthaBaladeva
ŚB 1.7.49
← 1.7.481.7.50 →
sūta uvāca
dharmyaṁ nyāyyaṁ sa-karuṇaṁ nirvyalīkaṁ samaṁ mahat |
rājā dharma-suto rājñyāḥ pratyanandad vaco dvijāḥ ||
Translation
— translation pending —
Commentary
Śrīdhara Svāmī
bhāvārtha-dīpikā
dharmyam ity-ādayo vacasaḥ ṣaḍ-guṇāḥ pūrva-śloka-ṣaṭke draṣṭavyāḥ |
tatra dharmyaṁ dharmād anapetaṁ mucyatāṁ mucyatām iti |
nyāyyaṁ nyāyād anapetaṁ sa-rahasya ity-ādi |
sa-karuṇaṁ tasyātmamo’rdham iti |
nirvyalīkaṁ tat dharmajñeti |
samaṁ mā rodasīti |
duḥkha-sāmyokteḥ |
mahat yaiḥ kopitam iti niṣṭuroktyā hitopadeśāt |
evaṁ-bhūtaṁ rājñyā vaco he dvijāḥ, rājā pratyanandad anumoditavān ||
Jīva Gosvāmī
krama-sandarbhaḥ
na vyākhyātam.
Viśvanātha Cakravartī
sārārtha-darśiṇī
dharmyam ity-ādi-vacasaḥ ṣaḍ-guṇāḥ pūrva-śloka-ṣaṭkair draṣṭavyāḥ |
tatra dharmyaṁ dharmād anapetaṁ mucyatāṁ mucyatām iti |
nyāyyaṁ nyāyād anapetaṁ sa-rahasya ity-ādi |
sa-karuṇaṁ tasyātmano’rdham iti |
nirvyalīkaṁ tad-dharmajñeti |
samaṁ mā rodīd iti duḥkha-sāmyokteḥ |
mahat yaiḥ kopitam iti niṣṭhuroktyā hitopadeśāt ||
Baladeva Vidyābhūṣaṇa
vaiṣṇavānandinī
dharmyam ity ādayo vacasaḥ ṣaḍ-guṇāḥ pūrvokteṣu ṣaṭsu padyeṣu bodhyāḥ |
dharmyaṁ mucyatām ity ādau, nyāyaṁ sarahasyam ity ādau, sakaruṇaṁ tasyātmano'rdham ity ādau, nirvyalīkaṁ tad-dharmajñety-ādau, samaṁ mārodīdity-ādau duḥkha-taulya-vacanāt, mahat yair ity-ādau niṣṭhuroktyā hita-śaṁsanāt ||
← 1.7.481.7.50 →