Śrīmad Bhāgavatam 1.7.37

Show

SanskritHindiEnglish

Script

IASTदेवनागरीবাংলা

Commentary

ŚrīdharaJīvaViśvanāthaBaladeva

ŚB 1.7.37

sva-prāṇān yaḥ para-prāṇaiḥ prapuṣṇāty aghṛṇaḥ khalaḥ |
tad-vadhas tasya hi śreyo yad-doṣād yāty adhaḥ pumān ||

Translation

— translation pending —

Commentary

Śrīdhara Svāmī

bhāvārtha-dīpikā

tad-vadho daṇḍa-rūpas tasyaiva śreyaḥ puruṣārthaḥ |

yad yato daṇḍa-prāyaścitta-rahitād doṣāt sa pumān adho yātīti |

tathā ca smaranti—rājabhir dhṛta-daṇḍas tu kṛtvā pāpāni mānavāḥ |

vidhūta-kalmaṣā yānti svargaṁ sukṛtino yathā ||

Jīva Gosvāmī

krama-sandarbhaḥ

na vyākhyātam.

Viśvanātha Cakravartī

sārārtha-darśiṇī

tad-vadho daṇḍa-rūpas tasyaiva śreyaḥ |

tathā ca smaranti—rājabhir dhṛta-daṇḍas tu kṛtvā pāpāni mānavāḥ |

vidhūta-kalmaṣā yānti svargaṁ sukṛtino yathā ||

anyathā yad yato doṣāt ||

Baladeva Vidyābhūṣaṇa

vaiṣṇavānandinī

aghṛṇo nirdayaḥ tasya vadhastasya śreyaḥ prāyaś citta-rūpatvāt |

rājabhir dhṛta daṇḍās tu kṛtvā pāpāni mānavāḥ! vidhūta-kalmaṣā yānti svargaṁ sukṛtino yathā iti smaraṇāt |

yato'kṛta-prāyaścitāndoṣāt pumānadho yāti ||