Premabase
·
Śrīmad Bhāgavatam
·
Canto 1
· Chapter 7
Show
Sanskrit
Hindi
English
Script
IAST
देवनागरी
বাংলা
Commentary
Śrīdhara
Jīva
Viśvanātha
Baladeva
ŚB 1.7.30
← 1.7.29
1.7.31 →
saṁhatyānyonyam ubhayos tejasī śara-saṁvṛte |
āvṛtya rodasī khaṁ ca vavṛdhāte’rka-vahnivat ||
Translation
— translation pending —
Commentary
Śrīdhara Svāmī
bhāvārtha-dīpikā
tataś cobhayor brahmāstrayor tejasī śaraiḥ saṁveṣite parasparaṁ militvā vavṛdhāte avardhetām |
kiṁ kṛtvā |
rodasī dyāvāpṛthivyau kham antarīkṣaṁ cāvṛtya |
yathā pralaye saṅkarṣaṇa-mukhāgnir uparisthito’rkaś ca saṁhatya vardhete tadvat ||
Jīva Gosvāmī
krama-sandarbhaḥ
na vyākhyātam.
Viśvanātha Cakravartī
sārārtha-darśiṇī
ubhayor brahmāstrayor tejasī śaraiḥ saṁvṛte saṁveṣite parasparaṁ militvā vavṛdhāte rodasī dyāvāpṛthivyau yathā pralaye saṅkarṣaṇa-mukhāgnir uparisthito’rkaś ca tāv iva ||
Baladeva Vidyābhūṣaṇa
vaiṣṇavānandinī
ubhayor brahmāstrayos tejasī anyonyaṁ saṁhatya militvā vavṛdhāte kīdṛśe? śaraiḥ saṁvṛte veṣṭite |
kiṁ kṛtvety āha—rodasī dyāvābhūmī khañ cākāśam āvṛtya pūrayitvā, yathā pralaye pātālād utthitaḥ saṅkarṣaṇa-mukhāgni-rupari sthito'rkaś ca mithaḥ saṁhatya vardhate tadvat ||
← 1.7.29
1.7.31 →