Śrīmad Bhāgavatam 1.7.19

Show

SanskritHindiEnglish

Script

IASTदेवनागरीবাংলা

Commentary

ŚrīdharaJīvaViśvanāthaBaladeva

ŚB 1.7.19

yadāśaraṇam ātmānam aikṣata śrānta-vājinam |
astraṁ brahma-śiro mene ātma-trāṇaṁ dvijātmajaḥ ||

Translation

— translation pending —

Commentary

Śrīdhara Svāmī

bhāvārtha-dīpikā

aśaraṇaṁ rakṣa-rahitam |

nanu palāyanam eva rakṣakam asti, na, tasyāpi kuṇṭhitatvād ity āha |

śrāntā vājino yasya tam |

brahma-śiro’straṁ brahmāstram |

dvijātmaja ity adīrgha-darśitām āha ||

Jīva Gosvāmī

krama-sandarbhaḥ

na vyākhyātam.

Viśvanātha Cakravartī

sārārtha-darśiṇī

aśaraṇaṁ rakṣaka-rahitam ātma-trāṇam ātma-rakṣopāyam, dvijātmaja ity adīrgha-darśitvaṁ sūcitam ||

Baladeva Vidyābhūṣaṇa

vaiṣṇavānandinī

yad ātmānam aśaraṇaṁ rakṣaka-śūnyam aikṣata, nanu palāyanaṁ rakṣakamastu? tatrāha—śrānteti |

tadā brahma-śiro'straṁ brahmāstram ātmatrāṇaṁ mene |

dvijātmaja ity adīrghadarśīty arthaḥ ||