Śrīmad Bhāgavatam 1.7.16

Show

SanskritHindiEnglish

Script

IASTदेवनागरीবাংলা

Commentary

ŚrīdharaJīvaViśvanāthaBaladeva

ŚB 1.7.16

tadā śucas te pramṛjāmi bhadre
yad brahma-bandhoḥ śira ātatāyinaḥ |
gāṇḍīva-muktair viśikhair upāhare
tvākramya yat snāsyasi dagdha-putrā ||

Translation

— translation pending —

Commentary

Śrīdhara Svāmī

bhāvārtha-dīpikā

śucaḥ śokāśrūṇi |

pramṛjāmi parimārjayāmi |

yad yadā brahma-bandhor brāhmaṇādhamasyātatāyina iti agni-do gara-daś caiva śastra-pāṇir dhanāpahaḥ |

kṣetra-dāra-haraś caiva ṣaḍ ete hy ātatāyinaḥ ||

iti smaraṇād atrātatāyī śastra-pāṇis tena ca putra-hantṛtvaṁ lakṣyate |

gāṇḍīvād dhanuṣo muktair viśikhair bāṇair upāhare tvat-samīpam ānayāmi |

yac chira ākramyāsanaṁ vidhāya |

dugdha-putrā satī ||

Jīva Gosvāmī

krama-sandarbhaḥ

na vyākhyātam.

Viśvanātha Cakravartī

sārārtha-darśiṇī

śucaḥ śokān yat yadā brahma-bandhor brāhmaṇādhamasyātatāyinaḥ śastra-pāṇeḥ |

agnido garadaś caiva śastra-pāṇir dhanāpahaḥ |

kṣetra-dārāpahārī ca ṣaḍ ete ātatāyina iti smaraṇāt ||

Baladeva Vidyābhūṣaṇa

vaiṣṇavānandinī

śucaḥ śokān pramṛjāmy apanayāmi, yad-yadā brahma-bandhor viprādhamasya ātatāyinaḥ śastrapāṇeḥ śira upāhare tvat sannidhinim ānayāmi |

agnido garadaścaiva-śastra-pāṇir dhanāpahaḥ | kṣetra-dāraharaścaiva ṣaḍete ātatāyainaḥ iti smṛteḥ |

dagdha-putrā satī tvaṁ yacchira ākramya snāsyasi ||