Śrīmad Bhāgavatam 1.6.24

Show

SanskritHindiEnglish

Script

IASTदेवनागरीবাংলা

Commentary

ŚrīdharaJīvaViśvanāthaBaladeva

ŚB 1.6.24

sat-sevayādīrghayāpi jātā mayi dṛḍhā matiḥ |
hitvāvadyam imaṁ lokaṁ gantā maj-janatām asi ||

Translation

— translation pending —

Commentary

Śrīdhara Svāmī

bhāvārtha-dīpikā

adīrghayāpi satāṁ sevayā |

avadyaṁ nindyam |

imaṁ lokaṁ dehaṁ hitvā |

maj-janatāṁ mat-pārṣadatāṁ gantāsi ||

Jīva Gosvāmī

krama-sandarbhaḥ

matir iti—askhalitā matiḥ [bhā.pu. 1.5.27] iti svayam uktā yā, saiva |

mateḥ phalam āha—hitveti ||

Viśvanātha Cakravartī

sārārtha-darśiṇī

adīrghayā alpayāpi avadyaṁ nindya-lokaṁ sāṁsarika-janāvāsaṁ tribhuvanam eva tyaktvā maj-janatāṁ mat-pārṣadatvaṁ gamiṣyasi ||

Baladeva Vidyābhūṣaṇa

vaiṣṇavānandinī

sat-prasaṅga-labhyo'ham ity āha—saditi |

adīrghayālpayāpi avadyam anityatvān-nindyam idaṁ lokaṁ hitvā maj-janatāṁ mat-pārṣadatāṁ gantāsi ||