Śrīmad Bhāgavatam 1.4.10

Show

SanskritHindiEnglish

Script

IASTदेवनागरीবাংলা

Commentary

ŚrīdharaJīvaViśvanāthaBaladeva

ŚB 1.4.10

sa samrāṭ kasya vā hetoḥ pāṇḍūnāṁ māna-vardhanaḥ |
prāyopaviṣṭo gaṅgāyām anādṛtyādhirāṭ-śriyam ||

Translation

— translation pending —

Commentary

Śrīdhara Svāmī

bhāvārtha-dīpikā

samrāṭ cakravartī |

vā iti vitarke |

kasya vā hetoḥ ? kasmāt kāraṇāt ? adhirāṭ-śriyam adhirājānāṁ śriyaṁ saṁpadam anādṛtya ||

Jīva Gosvāmī

krama-sandarbhaḥ

na vyākhyātam.

Viśvanātha Cakravartī

sārārtha-darśiṇī

adhikṛtya rājantīty adhirājo yudhiṣṭhirādyāḥ, teṣām api śriyaṁ prāptām anādṛtya ||

Baladeva Vidyābhūṣaṇa

vaiṣṇavānandinī

samrāṭ sarva-bhūmer īśvaraḥ, adhikṛtya rājantīty adhirājo yudhiṣṭhirādayaḥ teṣām api śriyaṁ sampadaṁ prāptām anādṛtya hitvā ||