Śrīmad Bhāgavatam 1.3.14

Show

SanskritHindiEnglish

Script

IASTदेवनागरीবাংলা

Commentary

MadhvācāryaŚrīdharaJīvaViśvanāthaBaladeva

ŚB 1.3.14

ṛṣibhir yācito bheje navamaṁ pārthivaṁ vapuḥ |
dugdhemām oṣadhīr viprās tenāyaṁ sa uśattamaḥ ||

Translation

— translation pending —

Commentary

Madhvācārya

bhāgavata-tātparyam

pṛthu-śarīrāviṣṭa-rūpam |

āviveśa pṛthuṁ devaḥ śaṅkhī cakrī caturbhujaḥ iti pādme |

uśa icchāyāṁ satyakāmaḥ ||

Śrīdhara Svāmī

bhāvārtha-dīpikā

pṛthv-avatāram āha—ṛṣibhir iti |

pārthivaṁ vapuḥ rāja-dehaṁ pṛthu-rūpam |

pāṭhāntare pṛthor idaṁ pārthavam |

auṣadhīr ity upalakṣaṇam |

imāṁ pṛthvīṁ sarvāṇi vastūni dugdha adugdha |

aḍ-āgamābhāvas tv ārṣaḥ |

he viprāḥ, tena pṛthvī-dohanena so’yam avatāra uśattamaḥ kamanīyatamaḥ |

vaśa kāntāv ity asmāt ||

Jīva Gosvāmī

krama-sandarbhaḥ

pārthivaṁ rāja-dehaṁ pṛthu-rūpam |

uśattamaḥ kamanīyatamaḥ ||

Viśvanātha Cakravartī

sārārtha-darśiṇī

pārthivaṁ vapuḥ rāja-dehaṁ pṛthu-rūpam |

pārthavam iti pāṭhe pṛthu-sambandhe |

auṣadhīr ity upalakṣaṇam, imāṁ pṛthvīṁ sarvāṇi vastūni dugdha aḍāgam ā-bhāva ārṣaḥ |

tena hetunā so’yam avatāra uśattamaḥ kamanīyatamaḥ |

vaśa kāntāv ity asmāt ||

Baladeva Vidyābhūṣaṇa

vaiṣṇavānandinī

pṛthuvatāram āha—ṛṣibhir iti |

pārthivaṁ rājadehaṁ pṛthu-rūpaṁ vapur bheje |

imāṁ pṛthivīm auṣadhīḥ sarvāṇi vastunya-dugdha, aḍabhāva ārṣaḥ |

tena tad-dohanena hetunā so'yam avatāraḥ uśattamo'tikamanīyaḥ ||