Premabase · Śrīmad Bhāgavatam · Canto 1 · Chapter 3
Show
SanskritHindiEnglish
Script
IASTदेवनागरीবাংলা
Commentary
MadhvācāryaŚrīdharaJīvaViśvanāthaBaladeva
ŚB 1.3.8
← 1.3.71.3.9 →
tṛtīyam ṛṣi-sargaṁ vai devarṣitvam upetya saḥ |
tantraṁ sātvatam ācaṣṭa naiṣkarmyaṁ karmaṇāṁ yataḥ ||
Translation
— translation pending —
Commentary
Madhvācārya
bhāgavata-tātparyam
avatāras tṛtīyo’sya devarṣiḥ prathito divi | mahi-dāsas tv aitareyo yas tantraṁ nārade’vadat ||
Śrīdhara Svāmī
bhāvārtha-dīpikā
nāradāvatāram āha—tṛtīyam iti |
ṛṣi-sargam upetya |
tatra ca devarṣitvam upetyety arthaḥ |
sātvataṁ vaiṣṇavaṁ tantraṁ pañcarātrāgamam ācaṣṭoktavān |
yatas tantrāt nirgataṁ karmatvaṁ bandhu-hetutvaṁ, yebhyas tāni niṣkarmāṇi, teṣāṁ bhāvo naiṣkarmyam |
karmaṇām eva mocakatvaṁ yato bhavati, tad ācaṣṭety arthaḥ ||
Jīva Gosvāmī
krama-sandarbhaḥ
ṛṣi-sargam upetya tatrāpi devarṣitvaṁ nāradatvam upetya |
sātvataṁ vaiṣṇavam |
tantraṁ pañcarātrāgamam |
karmaṇā karmākāreṇāpi satāṁ śrī-bhagavad-dharmāṇāṁ yatas tantrān naiṣkarmyaṁ karma-bandha-mocakatvena karmabhyo nirgatatvaṁ tebhyo bhinnatvaṁ pratīyate iti śeṣaḥ ||
Viśvanātha Cakravartī
sārārtha-darśiṇī
ṛṣiṣu sargaṁ prādurbhāvam upetya tatra ca devarṣitvaṁ nāradatvam upetyety arthaḥ |
sātvataṁ pañcarātrāgamaṁ yatas tantrāt karmaṇāṁ tatroktānāṁ bhagavad-dharmāṇāṁ naiṣkarmyaṁ karma-bandha-mocakatvam ||
Baladeva Vidyābhūṣaṇa
vaiṣṇavānandinī
tṛtīyam iti—ṛṣiṣu sargaṁ prākaṭyaṁ, tatra ca devarṣitvaṁ nāradatvam upetya sātvataṁ pañca-rātraṁ tantraṁ, yatas tantrāt karmaṇāṁ naiṣkarmyam īśvarāpaṇāt pariśodhita viṣa-pārada-nyāyena karma-bandha-hāritvaṁ bhavati ||
← 1.3.71.3.9 →