kimartham idam ucyate na hali iti eva siddham .

na sidhyati .

dhātoḥ iti tatra vartate tatra rephavakārābhyām dhātuḥ viśeṣyate .

rephavakārāntasya dhātoḥ iti .

kim punaḥ kāraṇam pūrvasmin yoge rephavakārābhyām dhātuḥ viśeṣyate .

iha mā bhūt .

agniḥ vāyuḥ iti .

evam tarhi pūrvasmin yoge yat dhātugrahaṇam tat uttaratra nivṛttam .

evam api kurkuraḥ murmuraḥ iti atra api prāpnoti .

evam tarhi anuvartate tatra dhātugrahaṇam na tu rephavakārābhyām dhātuḥ viśeṣyate .

kim tarhi .

ik viśeṣyate .

rephavakārāntasya ikaḥ dhātoḥ iti .

evam api kurkurīyati murmurīyati iti atra prāpnoti .

tasmāt dhātuḥ eva viśeṣyaḥ dhātau ca viśeṣyamāṇe upadhāyām ca iti vaktavyam