kim idam ṛkāragrahaṇam aṅgaviśeṣaṇam .

ṛkārāntasya aṅgasya iti .

āhosvit abhyāsaviśeṣaṇam .

ṛkārāntasya abhyāsasya iti .

aṅgaviśeṣaṇam iti āha .

katham jñāyate .

yat ayam taparakaraṇam karoti .

katham kṛtvā jñāpakam .

na hi kaḥ cit abhyāse dīrghaḥ asti yadartham taparakaraṇam kriyeta .

atha aṅgaviśeṣaṇe ṛkāragrahaṇe sati taparakaraṇe kim prayojanam .

iha mā bhūt .

cākīrti , cākīrtaḥ , cākirati .

kiratim carkarītāntam pacati iti atra yaḥ nayet , prāptijñam tam aham manye prārabdhaḥ tena saṅgrahaḥ