tigrahaṇam kimartham na viṃśateḥ ḍiti lopaḥ iti eva ucyeta .

na evam śakyam .

viṃśateḥ ḍiti lopaḥ iti ucyamāne antyasya prasajyeta .

siddhaḥ antyasya yasyeta lopena .

tatra ārambhasāmarthyāt tiśabdasya bhaviṣyati .

kutaḥ nu khalu etat ananyārthe ārambhe tiśabdasya bhaviṣyati na punaḥ aṅgasya iti .

tasmāt tigrahaṇam kartavyam .

atha kriyamāṇe api tigrahaṇe antyasya kasmāt na bhavati .

nirdiśyamānasya ādeśāḥ bhavanti iti evam na bhaviṣyati .