mantreṣu ātmanaḥ pratyayamātraprasaṅgaḥ .

mantreṣu ātmanaḥ pratyayamātre lopaḥ prasaṅktavyaḥ .

iha api yathā syāt : tmanyā samañjan .

tmanoḥ antaḥ asthaḥ iti .

yadi pratyayamātre lopaḥ ucyate katham ātmanaḥ eva nirmimīṣva iti .

tasmāt na arthaḥ pratyayamātre lopena .

katham tmanyā samañjan .

tmanoḥ antaḥ asthaḥ iti .

chāndasatvāt siddham .

chāndasam etat .

dṛṣṭānuvidhiḥ chandasi bhavati .

ādigrahaṇānarthakyam ca ākāraprakaraṇāt .

ādigrahaṇam ca anarthakam .

kim kāraṇam .

ākāraprakaraṇāt .

ātaḥ iti vartate .