īttve vakārapratiṣedhaḥ ghṛtam ghṛtapāvānaḥ iti darśanāt .

īttve vakāre pratiṣedhaḥ vaktavyaḥ .

kim prayojanam .

ghṛtam ghṛtapāvānaḥ iti darśanāt .

iha mā bhūt : ghṛtam ghṛtapāvānaḥ pibata .

vasām vasapāvānaḥ pibata iti .

yadi tarhi vakāre pratiṣedhaḥ ucyate katham dīvarī pīvarī iti .

dhīvarī pīvarī iti ca uktam .

kim uktam .

na etat īttvam .

kim tarhi .

dhyāpyoḥ etat samprasāraṇam iti .

saḥ tarhi pratiṣedhaḥ vaktayaḥ .

na vaktavyaḥ .

vanip eṣaḥ bhaviṣyati na kvanip iti .