vṛdhiramiśṛdhīnām upasaṅkhyānam sārvadhātukatvāt .

vṛdhiramiśṛdhīnām upasaṅkhyānam kartavyam .

kim kāraṇam .

sārvadhātukatvāt .

vardhantu tvā suṣṭutayaḥ giraḥ me .

vardhayantu iti evam prāpte .

bṛhaspatiḥ tvā sumne ramṇātu .

ramayatu iti evam prāpte .

agne śardha mahate saubhagāya .

śardhaya iti evam prāpte .

tat tarhi vaktavyam .

na vaktavyam .

vṛdhiramiśṛdhīnām ārdhadhātukatvāt siddham .

katham ārdhadhātukatvam .

anye api hi dhātupratyayāḥ ubhayathā chandasi dṛśyante .