kāni punaḥ aṅgādhikārasya prayojanani .
aṅgādhikārasya prayojanam samprasāraṇadīrghatve .
halaḥ uttarasya samprasāraṇasya dīrghaḥ bhavati .
hūtaḥ , jīnaḥ , saṃvītaḥ , śūnaḥ .
aṅgasya iti kimartham .
nirutam , durutam .
nāmsanoḥ ca .
nāmsanoḥ ca dīrghatve prayojanam .
nāmi dīrghaḥ bhavati .
agnīnām , vāyūnām .
aṅgasya iti kimartham .
krimiṇām paśya .
pāmanām paśya .
sani dīrghaḥ bhavati .
cicīṣati , tuṣṭūṣati .
aṅgasya iti kimartham .
dadhi sanoti .
madhu sanoti .
liṅi etve .
liṅi etve prayojanam .
gleyāt , mleyāt .
aṅgasya iti kimartham .
niryāyāt , nirvāyāt .
ataḥ bhisaḥ aistve .
ataḥ bhisaḥ aistve prayojanam .
vṛkṣaiḥ , plakṣaiḥ .
aṅgasya iti kimartham .
brāhmaṇabhissā , odanabhissaṭā .
luṅādiṣu aḍāṭau .
luṅādiṣu aḍāṭau prayojanam .
akārṣīt , aihiṣṭa .
aṅgasya iti kimartham .
prākarot , upaihiṣṭa .
iyaṅuvaṅyuṣmadasmattātaṅāminuḍānemukkehrasvayidīrghabhitatvāni .
iyaṅuvaṅau prayojanam .
śriyau śriyaḥ , bhruvau bhruvaḥ .
aṅgasya iti kimartham .
śryartham , bhrvartham .
yuṣmadasmadoḥ prayojanam .
sāmaḥ ākam .
yuṣmākam asmākam .
aṅgasya iti kimartham .
yuṣmatsāma , asmatsāma .
tātaṅ prayojanam .
jīvatāt bhavān .
aṅgasya iti kimartham .
paca hi tāvat tvam .
jalpa tu tāvat tvam .
āmi nuṭ prayojanam .
kumārīṇam , kiśorīṇām .
aṅgasya iti kimartham .
kumārī , ām iti āha .
kiśorī , ām iti āha .
āne muk prayojanam .
pacamānaḥ , yajamānaḥ .
aṅgasya iti kimartham .
prāṇaḥ .
ke hrasvaḥ prayojanam .
kiśorikā , kumārikā .
aṅgasya iti kimartham .
kumārī kāyati kumārīkaḥ .
yi dīrghaḥ prayojanam .
cīyate , stūyate .
aṅgasya iti kimartham .
dadhiyānam , madhuyānam .
bhi tatvam prayojanam .
adbhiḥ , adbhyaḥ .
aṅgasya iti kimartham .
abbhāraḥ , abbhakṣaḥ .
na etāni santi prayojanāni .
katham .
arthavadgrahaṇapratyayagrahaṇābhyām siddham .
arthavadgrahaṇapratyayagrahaṇābhyām etāni siddhāni .
kva cit arthavadgrahaṇe na anarthakasya iti evam bhaviṣyati kva cit pratyayāpratyayoḥ grahaṇe pratyayasya eva grahaṇam bhavati iti .
atha vā pratyaye iti prakṛtya aṅgakāryam adhyeṣye .
yadi pratyaye iti prakṛtya aṅgakāryam adhīṣe prākarot , upaihiṣṭa , upasargāt pūrvam aḍāṭau prāpnutaḥ .
siddham tu pratyayagrahaṇe yasmāt saḥ vihitaḥ tadādeḥ tadantasya ca grahaṇam .
siddham etat .
katham .
pratyayagrahaṇe yasmāt saḥ vihitaḥ tadādeḥ tadantasya ca grahaṇam bhavati iti evam upasargāt pūrvam aḍāṭau na bhaviṣyataḥ .