mahadāttve ghāsakaraviśiṣṭeṣu upasaṅkhyānam puṃvadvacanam ca asamānādhikaraṇārtham .

mahadāttve ghāsakaraviśiṣṭeṣu upasaṅkhyānam kartavyam puṃvadbhāvaḥ ca asamānādhikaraṇārthaḥ kartavyaḥ .

mahatyāḥ ghāsaḥ mahāghāsaḥ , mahatyāḥ karaḥ mahākaraḥ , mahatyāḥ viśiṣṭaḥ mahāviśiṣṭaḥ .

aṣṭanaḥ kapāle haviṣi .

aṣṭanaḥ kapāle haviṣi upasaṅkhyānam kartavyam .

aṣṭākapālam carum nirvapet .

haviṣi iti kimartham .

aṣṭakapālam brāhmaṇasya .

gavi ca yukte .

gavi ca yukte upasaṅkhyānam kartavyam .

aṣṭāgavena śakaṭena .

yukte iti kimartham .

aṣṭagavam brāhmaṇasya .