ṣaṣṭhīprakaraṇe vāgdikpaśyadbhyaḥ yuktidaṇḍahareṣu upasaṅkhyānam .

ṣaṣṭhīprakaraṇe vāgdikpaśyadbhyaḥ yuktidaṇḍahareṣu upasaṅkhyānam kartavyam .

vācoyuktiḥ , diśodaṇḍaḥ , paśyatoharaḥ .

āmuṣyāyaṇāmuṣyputrikā iti upasaṅkhyānam .

āmuṣyāyaṇāmuṣyputrikā iti upasaṅkhyānam kartavyam .

āmuṣyāyaṇaḥ , āmuṣyaputrikā .

āmuṣyakulikā iti ca vaktavyam .

āmuṣyakulikā .

devānāmpriyaḥ iti ca .

devānāmpriyaḥ iti ca upasaṅkhyānam kartavyam .

devānāmpriyaḥ .

śepapucchalāṅgūleṣu śunaḥ sañjñāyām .

śepapucchalāṅgūleṣu śunaḥ sañjñāyām upasaṅkhyānam kartavyam .

śunaḥśephaḥ , śunaḥpucchaḥ , śunolāṅgūlaḥ .

divaḥ ca dāse .

divaḥ ca dāse upasaṅkhyānam kartavyam .

divodāsāya gāyata .