kimartham idam ucyate na vatyāḥ iti eva ucyate .

vatyāḥ iti iyati ucyamāne rājavatī , atra api prasajyeta .

atha avatyāḥ iti ucyamāne kasmāt eva atra na bhavati .

asiddhaḥ nalopaḥ .

tasya asiddhatvāt na eṣaḥ avatīśabdaḥ .

kaḥ tarhi .

anvatīśabdaḥ .

yathā eva tarhi nalopasya asiddhatvāt na avatīśabdaḥ evam vatvasya api asiddhatvāt na avatīśabdaḥ .

āśrayāt siddhatvam syāt .