āṅpūrvāt andhūdhasoḥ .

āṅpūrvāt andhūdhasoḥ iti vaktavyam .

āpīnaḥ andhuḥ , āpīnam ūdhaḥ .

kim prayojanam .

niyamārtham .

āṅpūrvāt andhūdhasoḥ eva .

kva mā bhūt .

āpyānaḥ candramāḥ iti .

ubhayataḥ niyamaḥ ca ayam draṣṭavyaḥ .

āṅpūrvāt eva andhūdhasoḥ , andhūdhasoḥ eva āṅpūrvāt iti .

kva mā bhūt .

prapyānaḥ andhuḥ , prapyānam ūdhaḥ .

āṅpūrvāt ca eṣa niyamaḥ draṣṭavyaḥ .

bhavati hi pīnam mukham , pīnāḥ śambaṭyaḥ , ślakṣṇapīnamukhī kanyā iti .