pūrvaḥ abhyāsaḥ iti ucyate .

kasya pūrvaḥ abhyāsasañjñaḥ bhavati .

dve iti vartate .

dvayoḥ iti vaktavyam .

saḥ tarhi tathā nirdeśaḥ kartavyaḥ .

na kartavyaḥ .

arthāt vibhaktivipariṇāmaḥ bhaviṣyati .

tat yathā .

uccāni devadattasya gṛhāṇi .

āmantrayasva enam .

devadattam iti gamyate .

devadattasya gāvaḥ aśvāḥ hiraṇyam iti .

āḍhyaḥ vaidhaveyaḥ .

devadattaḥ iti gamyate .

purastāt ṣaṣṭhīnirdiṣṭam sat arthāt dvitīyānirdiṣṭam prathamānirdiṣṭam ca bhavati .

evam iha api purastāt prathamānirdiṣṭam sat arthāt ṣaṣṭhīnirdiṣṭam bhaviṣyati .