kimartham idam ucyate na tat asya asti asmin iti eva matup siddhaḥ .

rasādibhyaḥ punarvacanam anyanirvṛttyartham .

rasādibhyaḥ punarvacanam kriyate anyeṣām matvarthīyānām pratiṣedhārtham .

matup eva yathā syāt .

ye anye matvarthīyāḥ prāpnuvanti te mā bhūvan iti .

na etat asti prayojanam .

dṛśyante hi anye rasādibhyaḥ matvarthīyāḥ .

rasikaḥ naṭaḥ .

urvaśī vai rūpiṇī apsarasām .

sparśikaḥ vāyuḥ iti .