idam sarveṣu eva strīgrahaṇeṣu vicāryate .

strīpratyayagrahaṇam vā syāt strīśabdagrahaṇam vā stryarthagrahaṇam vā .

kim ca ataḥ .

yadi śabdagrahaṇam arthagrahaṇam vā iḍaviḍ aiḍadviḍ pṛth pārthaḥ uśij āuśijaḥ śarat śāradasaḥ atra api prāpnoti .

atha pratyayagrahaṇam laikhābhreyaḥ vaimātreyaḥ iti na sidhyati .

astu pratyayagrahaṇam .

katham laikhābhreyaḥ vaimātreyaḥ iti .

śubhrādiṣu pāṭhaḥ kariṣyate .

vaḍavāyāḥ vṛṣe vācye .

vaḍavāyāḥ vṛṣe vācye ḍhak vaktavyaḥ .

vaḍavāyāḥ vṛṣaḥ vāḍaveyaḥ .