idam vipratiṣiddham .

kaḥ vipratiṣedhaḥ .

apatyam iti vartate .

yadi ca kanyā na apatyam atha apatyam na kanyā .

kanyā ca apatyam ca iti vipratiṣiddham .

na etat vipratiṣiddham .

katham .

kanyāśabdaḥ ayam puṃsā abhisambandhapūrvake samprayoge nivartate .

yā ca idānīm prāk abhisambandhāt puṃsā saha samprayogam gacchati tasyām kanyāśabdaḥ vartate eva .

kanyāyāḥ kanyoktāyāḥ kanyābhimatāyāḥ sudarśanāyāḥ yat apatyam saḥ kānīnaḥ iti .