atha upasarjanagrahaṇam kimartham .
iha mā bhūt .
śikhā .
upasarjanagrahaṇam anarthakam bahuvrīhyadhikārāt .
upasarjanagrahaṇam anarthakam .
kim kāraṇam .
bahuvrīhyadhikārāt .
bahuvrīheḥ iti vartate .
kva prakṛtam .
bahuvrīheḥ ca antodāttāt iti .
bahvajartham tarhi upasarjanagrahaṇam kartavyam .
bahvacaḥ na iti pratiṣedham vakṣyati .
tat bahvajgrahaṇam upasarjanaviśeṣaṇam yathā vijñāyeta .
bahvacaḥ upasarjanāt na iti .
atha akriyamāṇe upasarjanagrahaṇe kasya bahvajgrahaṇam viśeṣaṇam syāt .
bahurvīheḥ iti vartate .
bahuvrīhiviśeṣaṇam vijñāyeta .
asti ca idānīm kaḥ cit abahvac bahuvrīhiḥ yadarthaḥ vidhiḥ syāt .
asti iti āha : svaḍā svaḍī iti .
bahvajartham iti cet svāṅgagrahaṇāt siddham .
svāṅgagrahaṇam kriyate .
tat bahvajgrahaṇena viśeṣayiṣyāmaḥ .
svāṅgāt bahvacaḥ na iti .
evam tarhi antodādāttāt iti vartate .
antodāttārthaḥ ayam ārambhaḥ .
antodāttārtham iti cet sahādikṛtatvāt siddham .
yat ayam sahanañvidyamānapūrvāt ca iti pratṣedham śāsti tat jñāpayati ācāryaḥ antodāttāt api bhavati iti .
svāṅgasamudāyapratiṣedhārtham tu .
svāṅgasamudāyapratiṣedhārtham tarhi upasarjanagrahaṇam kartavyam .
śvāṅgāt yathā syāt .
svāṅgasamudāyāt mā bhūt .
kalyāṇapāṇipādā .
atha kriyamāṇe api upasarjanagrahaṇe kasmāt eva atra na bhavati .
svāṅgam hi etat upasarjanam .
na svāṅgasamudāyaḥ svāṅgagrahaṇena gṛhyate yathā janapadasamudāyaḥ janapadagrahaṇena na gṛhyate .
kāśikosalīyā iti janapadatadavadhyoḥ iti vuñ na bhavati .
etat api na asti prayojanam .
asvāṅgapūrvapadāt iti vartate .
tena svāṅgam viśeṣayiṣyāmaḥ .
asvāṅgapūrvapadāt param yat svāṅgam tadantāt bahuvrīheḥ iti .
yat ca atra asvāṅgapūrvapadāt param na tadantaḥ bahuvrīhiḥ yadantaḥ ca bahuvrīhiḥ na tat asvāṅgapūrvapadāt param svāṅgam .
nanu ca tat pūrvasmin yoge bahuvrīhiviśeṣaṇam .
na iti āha .
pūrvapadaviśeṣaṇam .
na svāṅgam asvāṅgam pūrvam padam pūrvapadam asvāṅgam pūrvapadam asvāṅgapūrvapadam asvāṅgapūrvapadāt iti .
yadi evam pūrvasmin yoge bahuvrīhiḥ aviśeṣitaḥ bhavati .
bahuvrīhiḥ ca viśeṣitaḥ .
katham .
ktāt iti vartate .
tena bahuvrīhim viśeṣayiṣyāmaḥ .
asvāṅgāt pūrvapadāt param yat ktāntam tadantāt bahuvrīheḥ iti .
idam tarhi prayojanam .
bahuvrīheḥ iti vartate upasarjanamātrāt yathā syāt .
niṣkeśī yūkā .
atikeśī mālā .