antodātte jātapratiṣedhaḥ .

antodātte jātasya pratiṣedhaḥ vaktavyaḥ .

dantajātā stanajātā .

pāṇigṛhītyādīnām viśeṣe .

pāṇigṛhītyādīnām viśeṣe iti vaktavyam .

pāṇingṛhītī iti bhāryā .

yasya yathā katham cit pāṇiḥ gṛhyate pāṇigṛhītā sā bhavati .

bahulam taṇi .

bahulam taṇi iti vaktavyam .

kim idam taṇi iti .

sañjñācchandasoḥ grahaṇam .

kim prayojanam .

prabaddhavilūnādyartham .

prabaddhavilūnī prabaddhavilūnā .

antodāttāt abahunañsukālasukhādipūrvāt .

antodāttāt abahunañsukālasukhādipūrvāt iti vaktavyam .

bahu .

bahukṛtā .

nañ .

akṛtā .

su .

sukṛtā .

kāla .

māsajātā saṃvatsarajātā .

sukhādi .

sukhajātā duḥkhajātā .

jātipūrvāt vā .

atha vā jātipūrvāt iti vaktavyam .