kimartham brahmādiṣu hanteḥ kvip vidhīyate .

na kvip ca anyebhyaḥ api dṛśyate iti eva siddham .

brahmādiṣu hanteḥ kvibvacanam niyamārtham .

niyamārthaḥ ayam ārambhaḥ .

brahmādiṣu eva hanteḥ kvip yathā syāt .

kim aviśeṣeṇa .

na iti āha .upapadaviśeṣe etasmin ca viśeṣe .

atha brahmādiṣu hanteḥ ṇininā bhavitavyam .

na bhavitavyam .

kim kāraṇam .

ubhayataḥ niyamāt .

ubhayataḥ niyamaḥ ayam .

brahmādiṣu eva hanteḥ kvip bhavati .

kvip eva ca brahmādiṣu iti .