vatkaraṇam kimartham .

svāśrayam api yathā syāt .

bhidyate kuśūlena iti .

akarmakāṇām bhāve laḥ bhavati iti laḥ yathā syāt .

karmaṇā iti kimartham .

karaṇādhikaraṇābhyām tulyakriyaḥ kartā yaḥ saḥ karmavat mā bhūt .

sādhu asiḥ chinatti .

sādhu sthālī pacati .

tulyakriyaḥ iti kimartham .

pacati odanam devadattaḥ .

tulyakriyaḥ iti ucyamāne api atra prāpnoti .

atra api hi karmaṇā tulyakriyaḥ kartā .

na tulyakriyagrahaṇena samānakriyatvam abhisambadhyate .

kim tarhi .

yasmin karmaṇi kartṛbhūte api tadvat kriya lakṣyate yathā karmaṇi saḥ karmaṇā tulyakriyaḥ kartā karmavat bhavati iti .